രാജ്യദ്രോഹി!

രാജ്യദ്രോഹി!

ഭരണാധിപന്റെ ആജ്ഞ കേട്ടിട്ടും
തല കുലുക്കാത്തവൻ രാജ്യദ്രോഹി;

ഭരണവർഗ്ഗത്തിന്റെ സംഘഗാനം
ഏറ്റുപാടാത്തവൻ രാജ്യദ്രോഹി;

തെരുവിൽ നഗ്നനാം രാജാവെ കണ്ടെന്നു-
റക്കെപറഞ്ഞവൻ രാജ്യദ്രോഹി;

നീ മാത്രമല്ല, ഞങ്ങളും സത്യം
തിരിച്ചറിഞ്ഞവൻ രാജ്യദ്രോഹി;

മർദ്ദനം, ഭേദ്യവും മലർവർഷമായിട്ടും
തലകുനിയ്ക്കാത്തവൻ രാജ്യദ്രോഹി;

നാളത്തെ നാടിന്റെ നന്മയ്ക്കായിന്നും
രക്തസാക്ഷിയവൻ രാജ്യദ്രോഹി.

കൊതിയ്ക്കുന്നു ഞാനും നിന്നെ നമിച്ച്
ഒരു പുതിയ രാജ്യദ്രോഹിയാകാൻ.

                                   ബെൻസി മോഹൻ. ജി




Comments

Post a Comment

Popular posts from this blog

ഗോഡ്‌സെയും, നിർമ്മൽ ചാറ്റർജിയും ഗാന്ധിവധവും - ഒരു സംഘി നുണക്കഥ !

Image
ഒരു നുണ ആയിരം പ്രാവശ്യം ആവർത്തിച്ചു പറഞ്ഞാൽ അത് സത്യമാണെന്ന് കേൾക്കുന്നവർ വിശ്വസിയ്ക്കും എന്നതാണ് ഗിബ്‌ലീസിയൻ പ്രോപഗണ്ടയുടെ അടിസ്ഥാനതത്വശാസ്ത്രം. യാതൊരു അടിസ്ഥാനവും ഇല്ലാത്ത ഒരു നുണ , പരസ്പരബന്ധമില്ലാത്ത വസ്തുതകളുമായി കൂട്ടിക്കുഴച്ച് , സാമാന്യബോധത്തിന്   നിരക്കാത്ത വിധം വ്യാപകമായും, തുടര്ച്ചയായും പ്രചരിപ്പിച്ചു കൊണ്ടേയിരിയ്ക്കുക.,.. ഒരുപാട് കേട്ട് കേട്ട് ഒടുവിൽ ആ നുണ സത്യമാണെന്ന് സാധാരണക്കാർ വിശ്വസിയ്ക്കും എന്നതാണ് അതിന്റെ പ്രവർത്തനരീതി. ഫാസിസ്റ്റുകൾ എല്ലാക്കാലത്തും ഇത്തരം സംഘടിതനുണപ്രചാരണത്തെ ആശ്രയിയ്ക്കുന്നവരാണ്. രാത്രിയുടെ മറവിൽ ജർമ്മൻ പാർലമെന്റിന് സ്വന്തം അനുയായികൾക്കൊണ്ട് തീ വെയ്പ്പിച്ചിട്ട് , കമ്മ്യുണിസ്റ്റുകാരാണ് അത് ചെയ്തത് എന്നാരോപിച്ച് ജർമ്മൻ കമ്മ്യുണിസ്റ് പാർട്ടിയെ നിരോധിയ്ക്കുകയും , കമ്മ്യുണിസ്റ്റുകാരെ കൂട്ടക്കൊല ചെയ്യുകയും ചെയ്ത അഡോൾഫ് ഹിറ്റ്ലർ മുതൽ രാത്രിയുടെ മറവിൽ മുസ്‌ലിം പള്ളിയ്ക്കരുകിൽ പശുവിന്റെ മാംസഅവശിഷ്ടങ്ങൾ കൊണ്ടിട്ടിട്ട് , രാവിലെ "ഗോവധം നടത്തിയേ" എന്ന് നിലവിളിച്ച്   ആളെക്കൂട്ടി , ശത്രുത ഉള്ള മുസ്ലീങ്ങളെ ആൾക്കൂട്ടകൊല ചെയ്യുന്ന വടക്കേഇന്ത്യൻ
Read more

ശംബുകൻ

Image
ശംബുകൻ വേദം പകുത്തവർ , പണ്ടേ വിധിച്ചു നീയാണധമൻ ശംബുകൻ ! സ് ‌ മൃതികൾ രചിച്ചവർ , അന്നും പറഞ്ഞു നീയാണധമൻ ശംബുകൻ ! ചാതുർവർണ്ണ്യം ചമച്ചവർ മണ്ണിൽ ശപിച്ചു നീയാണധമൻ ശംബുകൻ ! അറിവിനായ് തപം ചെയ് ‍ വാൻ അർഹത ഇല്ലാത്തോൻ നീയാണധമൻ ശംബുകൻ ! ആര്യനും അരചനും അന്നം നൽകുവാൻ വിയർപ്പിൽ രക്തം ചാലിച്ച് മണ്ണിനെ പൊന്നാക്കി മാറ്റിയോൻ നീയാണധമൻ , ശംബുകൻ ! വേദം ശ്രവിച്ച ശൂദ്രന്റെ കാതിൽ ഈയം ഉരുക്കി നിറയ്ക്കുന്ന ആർഷ ഭാരത ഭൂവിലെന്നും അടിമയായി തപിച്ചവൻ! ബ്രാഹ്മണ പ്രീതിയ്ക്കായി മര്യാദാ പുരുഷോത്തമൻ തലവെട്ടി വീഴ്ത്തി രക്തസാക്ഷിയായോൻ! പശി കൊണ്ട് വലഞ്ഞാലും   പശുവിന്റെ പേരിലും ആര്യന്റെ സംഘശക്തിയാൽ കൊല്ലപ്പെടുന്നവൻ! ഞാൻ ശംബുകൻ .. വെറും ശംബുകൻ ഈ രാജ്യത്തു പിറന്നവൻ , ഈ ഭൂവിൽ വളർന്നവൻ! ഈ മണ്ണിന്റെ നേരവകാശി ഞാൻ ഈ രാജ്യം കെട്ടി പടുത്തവൻ ഞാൻ! ഞാനല്ലധമൻ ... നിങ്ങളാണധമർ . പച്ചമനുഷ്യനെ ജാതി ചുമത്തി പച്ചയ്ക്കു കൊല്ലുന്ന നരാധമൻമാർ! ഞാനുണരുന്നു.. എൻ നാടുണരുന്നു.. ഇ
Read more

മതവിശ്വാസവും വര്‍ഗ്ഗീയവാദവും - പൊതുചര്‍ച്ച

ഈ വിഷയത്തെ കൂടുതല്‍ വ്യക്തമാക്കാന്‍, ആദ്യം ചില ചോദ്യങ്ങളില്‍ ചെന്നെത്തേണ്ടതുണ്ട്. മതവിശ്വാസവും വര്‍ഗ്ഗീയവാദവും തമ്മിലുള്ള അതിര്‍വരമ്പ് എവിടെയാണ്? ആരാണ് അത് തീരുമാനിക്കേണ്ടത്? വ്യക്തിയോ സമൂഹമോ? വര്‍ഗ്ഗീയവാദത്തില്‍ ചെന്നെത്താതെ മതവിശ്വാസത്തിന് സ്വതന്ത്രമായി നിലനില്‍ക്കാന്‍ എന്താണ് വേണ്ടത്? മതവിശ്വാസം നന്മ മാത്രം ഉണ്ടാക്കുന്ന ഒരു സമൂഹത്തിന്റെ സൃഷ്ടിക്കായി എന്ത് ചെയ്യണം? ഒപ്പം വളരെ പ്രധാനപ്പെട്ട ഒരു ചോദ്യവും. മതേതരമായ ഒരു സമൂഹത്തിനാണോ, അതോ മതനിരപേക്ഷമായ ഒരു സമൂഹത്തിനാണോ, വര്‍ഗ്ഗീയവാദത്തെ ഏറ്റവും നന്നായി പ്രതിരോധിക്കാന്‍ കഴിയുക? ---------------------------------- മതവിശ്വാസവും വര്‍ഗ്ഗീയവാദവും ഇന്ന് ഒരുപോലെ തെറ്റിദ്ധരിക്കപെടുകയും, പലപ്പോഴും ഒരേ അര്‍ത്ഥത്തില്‍ പ്രയോഗിക്കപ്പെടുകയും ചെയ്യുന്ന രണ്ടു വാക്കുകളാണ്. എന്നാല്‍ ഇവ രണ്ടും തീര്‍ച്ചയായും രണ്ടു മാനുഷിക അവസ്ഥകള്‍ തന്നെയാണ്. ഏതെങ്കിലും മതത്തില്‍ വിശ്വസിക്കുകയും എന്നാല്‍ സാമുഹിക ജീവിതത്തിലും ബന്ധങ്ങളിലും ആ വിശ്വാസങ്ങള്‍ കൂടികലരാതെ നോക്കുന്നവരുമാണ് സാധാരണ മതവിശ്വാസികള്‍. എന്നാല്‍ ഏതെങ്കിലും മതത്തില്‍ വിശ്വസിക്കുകയും ആ മതം മാത്ര
Read more