നിര്ഭയ...........
" യെത്ര നാര്യസ്തു പൂജ്യന്തേ രമന്തേ തത്ര ദേവത " ( എവിടെയാണോ സ്ത്രീകൾ ബഹുമാനിയ്ക്കപ്പെടുന്നത് അവിടെ ദൈവങ്ങൾ വസിയ്ക്കുന്നു ) ഇന്ത്യൻ സംസ്കാരം സ്ത്രീകൾക്ക് കൽപ്പിച്ചു കൊടുത്ത മഹനീയസ്ഥാനം വിളംബരം ചെയ്യുന്ന വരികളാണത് . സ്ത്രീയെ ദൈവമായും , അമ്മയായും പൂജിയ്ക്കാൻ ആഹ്വാനം ചെയ്യുകയും , പിതാവും , ഭർത്താവും , മകനും വിവിധകാലങ്ങളിൽ സ്ത്രീയെ സംരക്ഷിയ്ക്കണമെന്ന തിട്ടൂരങ്ങൾക്കും അപ്പുറം , വർത്തമാനകാല ഭാരതീയ സമൂഹത്തിൽ സ്ത്രീ ഇന്നും അബലയും , ചൂഷിതയും , സുരക്ഷിതബോധം നഷ്ടപ്പെട്ടവളുമാണ് . മഹാനഗരങ്ങളിലും ഗ്രാമഗ്രാമാന്തരങ്ങളിലും അവൾ പീഡനങ്ങൾക്കും അക്രമങ്ങൾക്കും വിധേയയാകേണ്ടി വരുമ്പോൾ , പത്രവാർത്തകളിൽ പുതുതായി ' നിർഭയകൾ " സൃഷ്ടിയ്ക്കപ്പെടുന്നു . 80 വയസ്സുള്ള വൃദ്ധയിലും , മൂന്നു വയസ്സുള്ള പിഞ്ചുപൈതലിലും കാമം കണ്ടെത്തുന്ന മനുഷ്യമൃഗങ്ങൾ , മനുഷ്യസമൂഹത്തിനു തന്നെ കളങ്കം തീർക്കുമ്പോൾ , പത്രവാർത്തകളിൽ ഓരോ ആക്രമണവും " സ്ത്രീപീഡനം " എന്ന വാക്കിനാൽ ആഘോഷിയ്ക്കപ്പെടുമ്പോൾ , നമ്...